რატომ არის მნიშვნელოვანი: 2022 წლის ზაფხულის შემდეგ აღმოსავლეთ უკრაინაში ყველაზე სასტიკი ბრძოლების ეპიცენტრი სწორედ დონეცკის ოლქის ქალაქ ბახმუტში მიმდინარეობს.

  • გასულ კვირაში ვაგნერის ვაგნერის ჯგუფის დამფუძნებელმა პრიგოჟინმა თქვა, რომ კოლოსალური დანაკარგისა გამო 10 მაისს ბახმუტს დატოვებენ.
  • გამწარებული პრიგოჟინი ერთ-ერთ ვიდეოში გვამების ფონზე ჩანს და ყვირის, რომ საბრძოლო მასალის 70%-იანი დეფიციტი აქვთ.
  • იმავე დღეს გავრცელდა ინფორმაცია, რომ პრიგოჟინის გინების შემდეგ შოიგუმ შეიარაღებით მომარაგების ბრძანება გასცა.
  • უკვე დღეს პრიგოჟინი ამტკიცებს, რომ საბრძოლო მასალის მიწოდებაზე დაპირება მიიღო.

დეტალები: უკრაინის შეიარაღებული ძალების სახმელეთო მეთაური, ალექსანდრ სირსკი 6 მაისს ფრონტის ხაზს ეწვია, საბრძოლო ნაწილების მეთაურებს შეხვდა, დააჯილდოვა და მათთან ერთად ბახმუტის თავდაცვის ზომების გაუმჯობესებასა და სამომავლო გეგმებზე იმსჯელა.

  • მისი თქმით, აღმოსავლეთ ფრონტზე ვითარება დაძაბული, მაგრამ კონტროლირებადია, ასევე, რუსებმა ბოლო დღეებში მძიმე შეიარაღებით დაბომბვის ინტენსივობა გაზარდეს და მოწინავე ტექნიკის გამოყენება და ჯარების გადაჯგუფება დაიწყეს.
  • "ეს იმაზე მეტყველებს, რომ მტერი არ აპირებს გეგმების შეცვლასა და ყველაფერს აკეთებს ბახმუტზე კონტროლის დასამყარებლად".
  • სირსკიმ ხაზგასმით აღნიშნა ისიც, რომ მებრძოლების აქტიური მოქმედებების წყალობით, მტერი დასახული მიზნების მიღწევას ვერ ახერხებს.