ინფორმაცია On.ge-ს წულაიას ადვოკატმა, ვალერი გელბახიანმა დაუდასტურა.

რატომ არის მნიშვნელოვანი: პოლიტიკოსი გოგი წულაია 2021 წლის 17 მარტს ნაცნობ ქალზე ფიზიკური ძალადობის გამო დააკავეს.

  • 2021 წლის 18 მარტს კი ძალადობით ჩადენილი სექსუალური ხასიათის სხვაგვარი ქმედების მუხლით ბრალი დაუმძიმდა.
  • 2021 წლის პირველ ივლისს კი წულაია 6 000-ლარიანი გირაოს საფუძველზე პატიმრობიდან გაათავისუფლეს.

დეტალები: ადვოკატის ინფორმაციით, წულაიას მიმართ პირველი ინსტანციით გამოტანილი განაჩენი შეიცვალა და მას პატიმრობა 138-ე მუხლით შეეფარდა.

  • გელბახიანის განცხადებით, აპირებენ, გადაწყვეტილება უზენაეს სასამართლოში გაასაჩივრონ.

არქივიდან: 2022 წლის 11 ნოემბერს წულაია სასამართლომ სისხლის სამართლის კოდექსის 138-ე მუხლის პირველი ნაწილით წარდგენილ ბრალდებაში გამართლდა, რაც ძალადობით ჩადენილ სექსუალური ხასიათის სხვაგვარ ქმედებას გულისხმობს.

  • ხოლო დამნაშავედ ცნეს 126-ე მუხლის პირველი ნაწილით (ძალადობა, რამაც დაზარალებულის ფიზიკური ტკივილი გამოიწვია).
  • პროკურატურამ ეს გადაწყვეტილება სააპელაციოში გაასაჩივრა.