ნანა გაბრიჩიძე-ბუაძის ინტერესებს სასამართლოში იურიდიული კომპანია
Justice League იცავდა.

რატომ არის მნიშვნელოვანი: ეს პირველი შემთხვევა არ არის, როდესაც სასამართლომ თეა წულუკიანის მიერ თანამშრომლის გათავისუფლება უკანონოდ მიიჩნია.

  • მას შემდეგ, რაც კულტურის მინისტრის პოზიციაზე თეა წულუკიანი დაინიშნა, არაერთი აქცია გაიმართა, სადაც აცხადებდნენ, რომ კულტურის სფეროდან თანამშრომლებს იდეოლოგიური მიუღებლობის გამო ათავისუფლებდნენ.

დეტალები: Facebook-ზე ადვოკატი დიტო ხვიჩია, რომელიც გათავისუფლებული თანამშრომლის შვილიშვილია, წერს, რომ ნანა გაბრიჩიძე-ბუაძემ მუზეუმში 52 წელი იმუშავა, არაკომპეტენტურმა კომისიამ კი ის 15-წუთიანი "პროფესიული" გასაუბრების შემდეგ გაათავისუფლა.

  • მისი ინფორმაციით, სასამართლომ ეროვნულ მუზეუმს კომპენსაციის და იძულებითი განაცდურის ანაზღაურება დააკისრა, რაც გათავისუფლების დღიდან გადაწყვეტილების აღსრულებამდე ნანა ბუაძისთვის კუთვნილი ხელფასის გადახდას გულისხმობს.

ადვოკატი, მარიამ გეგუჩაძე On.ge-სთან ამბობს, რომ ნანა ბუაძე მუზეუმიდან 2022 წლის 14 იანვრის ბრძანებით გაათავისუფლეს.

  • მისი თქმით, მუზეუმი გათავისუფლების საფუძვლად რეორგანიზაციისა და თანამშრომლის არაკომპეტენტურობას ასახელებდა, თუმცა ამის დამტკიცება ვერ შეძლო.
  • "შესაბამისად, სასამართლომ ბათილად ცნო გათავისუფლების ბრძანება, რაც გულისხმობს იმას, რომ ნანა ბუაძე სამსახურიდან უკანონოდ გათავისუფლდა".
  • რაც შეეხება სამსახურში აღდგენას, ადვოკატის ინფორმაციით, დაცვის მხარეს ასეთი მოთხოვნა არ ჰქონია.