ამის შესახებ ბელარუსის პრეზიდენტმა, ალექსანდრე ლუკაშენკომ დღეს, 24 იანვარს ისაუბრა.

რატომ არის მნიშვნელოვანი: ლუკაშენკო ამბობს, რომ რომ უკრაინა მას, ერთი მხრივ, თავდაუსხმელობის პაქტის დადებას სთავაზობს, მაგრამ, მეორე მხრივ, უარს არ ამბობს "ექსტრემისტებისა და ბოევიკების მომზადებაზე".

  • უკრაინულ მხარეს ამ ინფორმაციაზე კომენტარი ჯერ არ გაუკეთებია.
  • რუსული სამთავრობო მედია კი წერს, რომ კრემლს არ აქვს მტკიცებულება იმისა, რომ კიევმა მინსკს თავდაუსხმელობის პაქტი შესთავაზა.

ლუკაშენკო ამბობს, რომ უკრაინაში "ბოევიკების მომზადება" სერიოზულ საფრთხეს უქმნის ბელორუსის ეროვნულ უსაფრთხოებას.

  • ლუკაშენკო ამტკიცებს, რომ 2020 წლის საპროტესტო აქციებისას ის რომ არ ყოფილიყო, ბელარუსში იმაზე უარესი ვითარება იქნებოდა, ვიდრე ახლა უკრაინაშია.