გამომძიებლებმა დოკუმენტები დელავერში პრეზიდენტის სახლის 13-საათიანი ჩხრეკის დროს იპოვეს, აცხადებს ბაიდენის ადვოკატი.

რატომ არის მნიშვნელოვანი: ათზე მეტი საიდუმლო დოკუმენტი ბაიდენის ყოფილ ოფისში, ნოემბერში, აშშ-ის შუალედური არჩევნების წინ აღმოაჩინეს.

  • რესპუბლიკელები მომხდარის დაუყოვნებლივ გამოძიებას ითხოვენ და აშშ-ის ეროვნული დაზვერვის სააგენტოს ხელმძღვანელს მოუწოდებენ, შეისწავლოს, რა ზიანი მიადგა ქვეყნის უსაფრთხოებას პრეზიდენტის მიერ საიდუმლო დოკუმენტების ფლობით.
  • ბაიდენი ამბობს, რომ დოკუმენტების შინაარსზე არაფერი იცის, მათი აღმოჩენით თავადაც გაკვირვებულია და სურს გამოძიება მალე დასრულდეს.
  • ხანგრძლივი ძიება და შემდგომში მეტი დოკუმენტის აღმოჩენა პოლიტიკური თავის ტკივილია პრეზიდენტისთვის, მით უფრო, თუ ის 2024 წელს მეორე ვადით კენჭისყრას აპირებს.
  • ყოფილ პრეზიდენტს, დონალდ ტრამპს კრიმინალური გამოძიება ემუქრება საიდუმლო ფაილების არასწორად დამუშავების გამო.

დეტალები: ზოგიერთი დოკუმენტი, რომელიც პარასკევს ვილმინგტონის საკუთრებაში იპოვეს, იმ პერიოდისაა, როცა ბაიდენი სენატორის პოსტს იკავებდა, ზოგი კი ვიცე-პრეზიდენტის პოსტზე ბარაკ ობამას პერიოდშია გაკეთებული.

  • დოკუმენტების აღმოჩენის შემდეგ პრეზიდენტმა თქვა, რომ მისმა გუნდმა დაუყოვნებლივ გადასცა ისინი ეროვნულ არქივს და იუსტიციის დეპარტამენტს.
  • პრეზიდენტის ჩანაწერების შესახებ კანონის თანახმად, თეთრი სახლის ჩანაწერები ეროვნულ არქივში უნდა გადავიდეს, სადაც ისინი უსაფრთხოდ შეინახება.