ამის შესახებ ფრაქციის წევრებმა გამართულ ბრიფინგზე ისაუბრეს.

რატომ არის მნიშვნელოვანი: ენმ-ის წევრებმა ქვეყნის ევროინტეგრაციასა და მიხეილ სააკაშვილზე ისაუბრეს. მათი თქმით, ივანიშვილი და პუტინი "სიკვდილით სჯიან" მესამე პრეზიდენტს.

  • აღნიშნავენ, რომ მაშინ, როდესაც ხელისუფლება რეფორმებს უნდა ატარებდეს, ამბობს, რომ ევროპელების რეზოლუციას ჩალის ფასი აქვს და ყოველდღიურად მიზანმიმართულ შურისძიებასა და პოლიტიკურ ანგარიშსწორებას ახორციელებენ.
  • აქამდე, 15 დეკემბერს ექსპრეზიდენტის დამონტაჟებული კადრების გასაჯაროების შემდეგ ენმ-მ აჭარის უმაღლესი საბჭო დატოვა.

დეტალები: ფრაქციის წევრები ამბობენ, რომ არ აპირებენ კაბინეტებიდან უყურონ, "როგორ ინგრევა ქვეყანა, ერთმევა ევროპული მომავალი და როგორ კლავენ ქვეყნის მესამე პრეზიდენტს".

  • "ამავე დროს სწრაფი ტემპით მიმდინარეობს რუსული ინტერესების გატარება და ავტოკრატიული მმართველობა საქართველოში", — ამბობენ ისინი.