"ვაიმარის სამკუთხედის" დაარსებიდან 35 წლის აღსანიშნავად, საქართველოში საფრანგეთის, გერმანიისა და პოლონეთის ელჩები თბილისში ერთმანეთს შეხვდნენ, რათა განეხილათ ამ თანამშრომლობის მომავალი და საქართველოში ერთობლივი ქმედების პერსპექტივები.

როგორც პოლონეთის საელჩო იტყობინება, ამ თარიღთან დაკავშირებით, პოლონეთის რეზიდენციაში გამართულ სამუშაო სადილზე გაგრძელდა აზრთა გაცვლა ევროპისა და თანამშრომლობის საკითხებზე რეგიონული გამოწვევების კონტექსტში.

"შექმნიდან 35 წლის შემდეგაც, ვაიმარის სამკუთხედი კვლავ რჩება საფრანგეთს, გერმანიასა და პოლონეთს შორის დიალოგისა და კოორდინაციის მთავარ პლატფორმად", — წერია პოლონეთის საელჩოს განცხადებაში.

ცნობისთვის, "ვაიმარის სამკუთხედი" არის საფრანგეთის, გერმანიისა და პოლონეთის რეგიონული პოლიტიკური ალიანსი, რომელიც 1991 წელს შეიქმნა.