გადაწყვეტილება მოლდოვის საგანგებო სიტუაციების სამსახურმა გამოაცხადა.

რატომ არის მნიშვნელოვანი: კომისიის ცნობით, სატელევიზიო არხებს სამაუწყებლო ლიცენზია დეზინფორმაციის გავრცელების, უკრაინა-რუსეთის ომის არაზუსტი გაშუქების და "საზოგადოებრივი აზრის მანიპულირების მცდელობის" გამო ჩამოერთვათ.

  • ევროსაბჭოს განცხადებით, აკრძალული რუსული მაუწყებლები რუსეთის ფედერაციის ხელმძღვანელობის პირდაპირი ან არაპირდაპირი კონტროლის ქვეშ არიან და ახორციელებენ უწყვეტ და შეთანხმებულ პროპაგანდისტულ საქმიანობას.

დეტალები: შეჩერებული ექვსი არხიდან ოთხი, — პირველი მოლდოვაში, RTR Moldova, NTV Moldova და TV6, რეგულარულად ავრცელებს პროგრამებს რუსული ტელეარხებიდან.

  • მსგავსი ქმედება, რუსეთის წინააღმდეგ სანქციების ახალი ტალღის ფარგლებში ევროპულმა საბჭომაც აკრძალა.
  • მაუწყებლობის ლიცენზია ჩამოერთვათ Accent TV-სა და Orhei TV-ს.

შეფასებები: TV6-მა ლიცენზიის შეჩერებას "სრულიად უსაფუძვლო" უწოდა და აღწერა, როგორც "უპრეცედენტო თავდასხმა გამოხატვის თავისუფლებაზე, სარედაქციო თავისუფლებაზე (და) ჟურნალისტების თავისუფლებაზე".

  • მოლდოვის პრეზიდენტი, მაია სანდუ მიესალმა შეჩერებებს და თქვა, რომ ეს არის "მნიშვნელოვანი ნაბიჯი ქვეყნის დესტაბილიზაციის მცდელობის თავიდან ასაცილებლად".