ამის შესახებ ევროკომისიის პრეზიდენტმა, ურსულა ფონ დერ ლაიენმა ისაუბრა.

რატომ არის მნიშვნელოვანი: ლაიენის განცხადებით, რუსეთმა ფინანსურად უნდა გადაიხადოს ის ნგრევა, რომელიც მან გამოიწვია.

  • ევროკომისიის პრეზიდენტის თქმით, მათ უკვე გაყინეს რუსეთის ცენტრალური ბანკის 300 მილიარდი ევროს რეზერვები და რუსი ოლიგარქების კუთვნილი 19 მილიარდი ევრო.

დეტალები: ევროკომისიის პრეზიდენტი გამოდის შეთავაზებით, გაეროს მხარდაჭერით შეიქმნას სპეციალური სასამართლო, რომელიც უკრაინაში რუსეთის საზარელს დანაშაულებს გამოიძიებს.

  • რუსეთის მიერ თავიანთი დანაშაულებისთვის გადახდილი თანხები კი უკრაინას უნდა მოხმარდეს.
  • "რუსეთის შეჭრამ უკრაინაში სიკვდილი, განადგურება და ენით აღუწერელი ტანჯვა მოიტანა. ყველას გვახსოვს ბუჩას საშინელებები.

  • რუსეთსა და მის ოლიგარქებს უკრაინისთვის ზარალის ანაზღაურება და ქვეყნის აღდგენის ხარჯების დაფარვა მოუწევთ. ჩვენ გვაქვს საშუალებები, რომ ვაიძულოთ რუსეთს გადახდა", — განაცხადა ევროკომისიის პრეზიდენტმა.