ამის შესახებ უნგრეთის მთავრობის დადგენილებაშია ნათქვამი. განკარგულებას ხელს პრეზიდენტი ორბანი აწერს.

რატომ არის მნიშვნელოვანი: არადა, რამდენიმე დღის წინ უნგრეთმა უკრაინისთვის €18 მილიარდის გამოყოფის გეგმის მხარდაჭერაზე უარი განაცხადა.

  • ქვეყნის ხელისუფლებამ განაცხადა, რომ ერთობლივ სესხებში მონაწილეობას არ მიიღებს.
  • პრეზიდენტის თქმით, გმობენ რუსეთის აგრესიას და მხარს უჭერს უკრაინელ ხალხს, თუმცა არ სურს, უკრაინის ინტერესები საკუთარი ქვეყნის ინტერესებზე წინ დააყენოს.
  • მან EU-ს ალტერნატიული გეგმა შესთავაზა და რეკომენდაცია გაუწია, განსაზღვრონ, თუ რამდენის გაცემა სურთ უკრაინის დასახმარებლად, ხოლო შემდეგ ეს თანხა ერთმანეთში "პროპორციულად და სამართლიანად" გაინაწილონ სესხის აღების გარეშე.
  • ამ დადგენილების მიხედვით კი უნგრეთი მზადაა, თავისი წვლილი შეიტანოს უკრაინის დასახმარებლად, თუმცა ამის გაკეთება ევროკავშირის ერთობლივი სესხით გარეშე ურჩევნია.

დეტალები: უნგრეთის მთავრობის თქმით, საგარეო საქმეთა მინისტრმა, პიტერ სიიარტომ უკრაინასთან ფინანსური დახმარებისთვის საჭირო შეთანხმების შესამუშავებლად მოლაპარაკებები უნდა დაიწყოს.

  • "მთავრობა აგრძელებს ომში მყოფი უკრაინის ფინანსურ დახმარებაში მონაწილეობის მიმართ ერთგულებას";
  • "ამიტომ, მოვუწოდებთ ფინანსთა მინისტრს, უზრუნველყოს €187 მილიონის გამოყოფა, რაც ევროკავშირის უკრაინისთვის გამოყოფილ დახმარებაში უნგრეთის წილი იქნება".

კონტექსტი: ევროკავშირის გეგმა მომავალ წელს უკრაინისთვის €18 მილიარდის გამოყოფას ითვალისწინებს.

  • თანხა განსაზღვრულია უკრაინაში ენერგეტიკისა და ჯანდაცვის ობიექტების გამართვის, ხელფასებისა და საპენსიო სქემების დაფინანსებისთვის.
  • მოახლოებული ზამთრისა და ენერგო კრიზისის პირობებში, უკრაინისთვის ფინანსური დახმარება კრიტიკულად მნიშვნელოვანია.