ინფორმაციას საერთაშორისო გამჭვირვალობა საქართველო ავრცელებს, რომელიც ჟურნალისტების უფლებებს იცავდა.

რატომ არის მნიშვნელოვანი: პირველი არხის 3 ჟურნალისტი, რომლებიც არხზე არსებულ ცენზურასა და ე.წ. შავ სიებზე საუბრობდნენ, ტელევიზიიდან 29 აპრილს გაათავისუფლეს.

  • ჟურნალისტები ასახელებდნენ რესპონდენტების კონკრეტულ გვარებსაც, რომელთა ჩაწერასაც მათ მაუწყებელი უკრძალავდა.
  • იმედა დარსალიას, სოფო ზედელაშვილისა და თამთა ჯანაძის გათავისუფლების მიზეზად ტელევიზიამ "საჯარო სივრცეში გავრცელებული დაუსაბუთებელი და ცრუ განცხადებებით, მაუწყებლის სარედაქციო გადაწყვეტილებათა დამოუკიდებლობისა და მიუკერძოებლობის ეჭქვეშ დაყენება" დაასახელა.

დეტალები: TI-ის ინფორმაციით, ომბუდსმენმა ჟურნალისტების აღდგენის მოთხოვნით მაუწყებელს უკვე მიმართ.

  • "სახალხო დამცველის ოფისმა საზოგადოებრივ მაუწყებელს მიმართა რეკომენდაციით, ბათილად ცნოს ბრძანებები იმედა დარსალიას, სოფიო ზედელაშვილის და თამთა ჯანაძის დათხოვნის შესახებ და თითოეული მათგანის მიმართ გამოიყენოს საქართველოს შრომის კოდექსის გათვალისწინებული რესტიტუციის შესაბამისი ღონისძიება", — ნათქვამია ორგანიზაციის განცხადებაში.
  • პასუხი საზოგადოებრივმა მაუწყებელმა ომბუდსმენს 20-დღიან ვადაში უნდა აცნობოს.