ორგანიზაცია ითხოვს ბავშვები დაუყოვნებლივ უზრუნველყოფილნი იყვნენ თავშესაფრით, საკვებით და სხვა აუცილებელი პირობებით.

რატომ არის მნიშვნელოვანი: 2022 წლის პირველ აგვისტომდე 9 და 10 წლის ძმები უკრაინიდან ჩამოსული ლტოლვილებისთვის განკუთვნილ სასტუმროში ცხოვრობდნენ.

  • თუმცა პირველი აგვისტოდან მერია უკრაინიდან ლტოლვილებს საცხოვრებლითა და საკვებით აღარ უზრუნველყოფს.
  • ორგანიზაცია წერს, რომ საქართველოს მთავრობამ ბავშვები დედასთან და კიდევ ათობით სხვა უკრაინელთან ერთად ქუჩაში და ფაქტობრივად მშიერი დატოვა.

დეტალები: PHR-ის ცნობით, 2022 წლის 24 თებერვალის შემდეგ ძმებმა ერთი კვირა სარდაფიდან გამოუსვლელად გაატარეს.

  • 2022 წლის ივნისში დედამ საქართველოში წამოსვლის გადაწყვეტილება მიიღო და 13 ივნისს ჩამოვიდნენ.
  • "საჭმელი, წამლები... საცხოვრებელი", — ეს იყო პირველი, რაც 10 წლის უკრაინელმა ბავშვმა ორგანიზაციის წარმომადგენლებმა თქვე.
  • "რასაც მოაყოლა, რომ ძალიან უნდოდა სათამაშოები, ფეხბურთის ბურთი, ჩამონათვალში ძმაც აჰყვა — კალათბურთის ბურთი უნდოდა, პლანშეტი და სკუტერი და კიდევ მრავალი სათამაშო, რომელიც 9 და 10 წლის ბავშვებს უნდათ".
  • PHR-ის განცხადებით, სასტუმრო, სადაც განთავსებული იყვნენ აეროპორტთან ახლოს მდებარეობდა — "თვითმფრინავის ხმაზე ბავშვები შიშით კრთებოდნენ და შფოთვა ეწყეოდათ".

PHR-მა სამ აგვისტოს თბილისის საქალაქო სასამართლოს მიმართა შუამდგომლობით დროებითი განჩინების გამოცემის შესახებ.

  • ორგანიზაცია წერს იმასაც, რომ მას შემდეგ რაც PHR-ის ადვოკატებმა ბავშვებს უთხრეს, რომ შეუძლიათ სასამართლოში მოსამართლეს მოსთხოვონ საცხოვრებლით, კვებით და აუცილებელი ნივთებით უზრუნველყოფა და ბავშვებზე მორგებული სარჩელის ფორმა ნახეს სიხარულით დაიწყეს შევსება.
  • განცხადებაში აღნიშნულია, რომ ბავშვებმა ჩამოწერეს ყველაფერი რაც ესაჭიროებოდათ: საცხოვრებელი, საკვები, წამლები, სათამაშოები. მიხაილომ
  • ერთ-ერთმა ძმამ ხატვაც კი დაიწყო საჭირო ნივშთების, მათ შორის იყო პიცა, სკუტერი, ნოუთბუქი და სხვა სათამაშოები.