ხელმომწერ ორგანიზაციებს მიაჩნიათ, რომ ხელისუფლებას გოგაშვილის მიმართ მართლმსაჯულების მაღალი სტანდარტით წარმართვის და მის მიერ გავრცელებული ინფორმაციის დაუყოვნებლივ გამოძიების განსაკუთრებული ვალდებულება აკისრია.

რატომ არის მნიშვნელოვანი: დაკავების შემდეგ გოგაშვილმა სოციალურ ქსელში არაერთი წერილი გაავრცელა, რომლებშიც ეწერა ისიც, რომ თანამდებობაზე ყოფნის პერიოდში ბიძინა ივანიშვილისგან უკანონო დავალებებს იღებდა.

  • მისი თქმით, ეს ეხებოდა აფგან მუხთარლის გატაცებასა და აზერბაიჯანის რესპუბლიკისთვის გადაცემაში უსაფრთხოების სასამხურის ჩართულობას;
  • გოგაშვილის განცხადებითვე, ხელისუფლებას მისი ლიკვიდაცია ქისტი "ქილერისთვის" ჰქონდა დავალებული, რათა მაჩალიკაშვილისთვის დაებრალებინათ.

დეტალები: NGO-ები მოუწოდებენ საქართველოს იუსტიციის სამინისტროს, აიღოს სრული პასუხისმგებლობა პენიტენციურ სისტემაში სოსო გოგაშვილის სიცოცხლისა და ფიზიკური უსაფრთხოების დაცვაზე.

  • ასევე, სასამართლოს, რომ გოგაშვილის მიმართ მართლმსაჯულება განახორციელოს ისე, რომ არ დარჩეს კითხვები მართლმსაჯულების დამოუკიდებლობასა და მიუკერძოებლობაზე;
  • ხოლო საქართველოს გენერალურ პროკურატურას, რომ დაუყოვნებლივ დაიწყოს გამოძიება გოგაშვილის მიერ გავრცელებულ დანაშაულის ნიშნების შემცველ ყველა ფაქტსა და ინფორმაციაზე.

განცხადებას ხელს აწერენ საქართველოს დემოკრატიული ინიციატივა, საერთაშორისო გამჭვირვალობა — საქართველო, სამართლიანი არჩევნებისა და დემოკრატიის საერთაშორისო საზოგადოება, სოციალური სამართლიანობის ცენტრი, საფარი, უფლებები საქართველო. ასევე:

  • საქართველოს რეფორმების ასოციაცია;
  • საქართველოს ახალგაზრდა იურისტთა ასოციაცია;
  • საქართველოს ატლანტიკური საბჭო;
  • ადამიანის უფლებათა ცენტრი;
  • მედიის განვითარების ფონდი;
  • ევროპულ-ქართული ინსტიტუტი.

არქივიდან: დაკავებამდე რამდენიმე საათით ადრე გოგაშვილმა პოსტი გამოაქვეყნა, სადაც თვითმმართველობის არჩევნების დროს გაყალბების მტკიცებულებებზე ისაუბრა.

  • 21 ივლისს არასამთავრობო ორგანიზაციებმა გაასაჯაროეს 53-გვერდიანი ანგარიში, რომელიც გოგაშვილის მიწოდებულ დოკუმენტებზე დაყრდნობით მოამზადეს. ფაილების ავთენტურობა ჯერ არ დადასტურებულა.
  • 26 ივლისს გოგაშვილიმა ვრცელ წერილს გაავრცელა და შინაგან საქმეთა მინისტრს, ვახტანგ გომელაურს მიმართა. წერდა, რომ გომელაურმა შვილის საქმრო ეთნიკურობის გამო გაატაცებინა და აწამებინა.
  • ისაუბრა იმაზეც, რომ მუხთარლი ივანიშვილის დავალებით გაიტაცეს, ხოლო ხვედელიძე ივანიშვილის დავალებით, ტელეფონზე გინების გამო სცემეს