გურამ მაჭარაშვილის განცხადებით, ის პარტიიდან წასულ სამეულს შეუერთდება.

რატომ არის მნიშვნელოვანი: "ოცნების" სამმა დეპუტატმა პარტია ერთი თვის წინ, "მეტის სალაპარაკოდ" დატოვეს.

  • ამის შემდეგ, მათ არაერთი ანტიდასავლური განცხადება გაავრცელეს.
  • წასულებს შეუერთდნენ რეგიონების საკრებულოს წარმომადგენლებიც, რომლებიც სამი დეპუტატის მესიჯბოქსებსა და ნარატივებს ავრცელებდნენ, მათ შორის, ანტიდასავლურს.

მაჭარაშვილის თქმით, ეს გადაწყვეტილება მას შემდეგ მიიღო, რაც ბიძინა ივანიშვილმა წერილი გამოაქვეყნა და "იყო ადეკვატური რეაქცია საზოგადოების მხრიდან".

  • "როგორც ჩანს ამართლებს ის პოლიტიკა, რასაც ჰქვია საზოგადოებისთვის სწორი, ობიექტური, საჭირო ინფორმაციის მიწოდება".
  • "გამომდინარე აქედან [მივიღე გადაწყვეტილება] და არა სხვა მიზეზის გამო, რადგან ქართულ ოცნებასთან დაფუძნებიდან მაკავშირებს წევრობა და არანაირი პრინციპული შეუთავსებობა აქ არ არსებობს".
  • "საუბარია იმაზე, რომ უხერხულობაში არ ჩავარდეს [პარტია], რადგან ხელისუფლებაში მყოფი პარტიაა და აქედან გამომდინარე, ბუნებრივია, რომ, როცა მე ვაკეთებ როგორც ხელისუფლების წარმომადგენელი განცხადებას, ამას სხვა წონა აქვს, ვიდრე ვთქვათ ის ადამიანი, რომელიც არის დამოუკიდებელი დეპუტატი."