ცენტრის მთავარი ამოცანა უკრაინის მარცვლეულით დატვირთული გემების უსაფრთხო მოძრაობის უზრუნველყოფაა.

რატომ არის მნიშვნელოვანი: ცენტრის შექმნა 22 ივლისს უკრაინული მარცვლეულის ექსპორტზე მიღებული შეთანხმების ერთ-ერთი პუნქტი იყო.

  • უკრაინა მსოფლიოში მარცვლეულის ერთ-ერთი უდიდესი მწარმოებელია.
  • რუსეთის მიერ ომის დაწყების შემდეგ, პორტების დაბლოკვის გამო უკრაინიდან ექსპორტი გაჩერებული იყო. რაც სურსათის გლობალური კრიზისის საფრთხეს ქმნიდა, რაც უკვე ფასების უპრეცედენტო ზრდაშიც აისახებოდა.

დეტალები: ცენტრი სტამბოლში 27 ივლისს გაიხსნა და მარცვლეულის გადაზიდვა რამდენიმე დღეში დაიწყება.

  • მუშაობა აღდგა შავი ზღვის სამ პორტში, რათა რუსეთის უკრაინაში შეჭრის გამო ბლოკირებული მარცვლეულის ექსპორტი განახლდეს.
  • ცენტრი პასუხისმგებელია მარშრუტებზე, შავ ზღვაზე, ორივე მიმართულებით, ასევე უხელმძღვანელებს გემების შემოწმებას აკრძალულ იარაღზე.

არქივიდან: შეთანხმების მიხედვით არც ერთი სამხედრო ხომალდი, თვითმფრინავი, უპილოტო საფრენი აპარატი არ შეიძლება მიუახლოვდეს საზღვაო ჰუმანიტარულ დერეფანს შეთანხმებულ მანძილზე უფრო ახლოს.

  • თუმცა რუსეთმა შეთანხმება რამდენიმე საათში დაარღვია და თავს ოდესის პორტს დაესხა.