უკრაინის პრეზიდენტი ვოლოდიმირ ზელენსკი აცხადებს, რომ რუსეთის ულტიმატუმები მხოლოდ მაშინ შესრულდება, თუ ყველა უკრაინელს გაანადგურებენ. ასე პასუხობს ის რუსეთის ულტიმატუმს მარიუპოლის გადაცემასთან დაკავშირებით.

"უკრაინა ვერ შეასრულებს ულტიმატუმს. ჩვენ ამას ფიზიკურად ვერ შევძლებთ. თუ ყველა ჩვენგანს გაანადგურებენ, მაშინ მათი ულტიმატუმი ავტომატურად შესრულდება. მაგალითად, ისინი ამბობენ, "მოგვეცით" ხარკოვი, მარიუპოლი, კიევი — ამას ვერც ხარკოვის მაცხოვრებლები, ვერც მარიუპოლელები, ვერც კიევის მაცხოვრებლები და ვერც პრეზიდენტი ვერ შეძლებენ. ამას ჩვენ ვხედავთ თუნდაც ოკუპირებულ ქალაქებში, მელიტოპოლში, ბერდიანსკში, როდესაც ისინი [რუსული ჯარები] შედიან, ხალხი არ ნებდება. ისინი [რუსეთის ჯარები] აღმართავენ [რუსეთის] დროშას, ხალხი ჩამოაგდებს მას. მათ მოკლეს ადამიანი, დიახ, ხალხი მიიმალა, მაგრამ ღამით დაბრუნდნენ და დროშა ისევ ჩამოხსნეს. რა გინდათ? ყველა დაგვხოცოთ? ულტიმატუმი მხოლოდ მაშინ შესრულდება, როდესაც ჩვენ დაგვხოცავენ", — განაცხადა ზელენსკიმ.

გუშინ რუსეთის თავდაცვის სამინისტრომ უკრაინის ხელისუფლებას ულტიმატუმი წაუყენა, რომ ქალაქი გადაეცათ, რის შემდეგაც ჰუმანიტარული დერეფნების გახსნის პირობას დებდნენ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში