უკრაინის პრეზიდენტის, ვოლოდიმირ ზელენსკის განცხადებით, რომ უკრაინელები უკან არ იხევენ, არ ნებდებიან, არ აჩერებენ წინააღმდეგობას და ოკუპანტებს მოუწოდებენ, წავიდნენ სახლში, როგორც რუსული ხომალდი.

უკრაინა 24-ის ინფორმაციით, ვიდეომიმართვაში მან აღნიშნა, რომ განსაკუთრებული გმირობაა პროტესტი გამოხატო, მაშინ, როდესაც შენი ქალაქი ოკუპირებულია, თუნდაც დროებით.

ზელენსკიმ თქვა, რომ პროტესტით დაბრუნებული უკრაინული მიწის ყოველი მეტრი წინგადადგმული ნაბიჯია მთელი უკრაინის გამარჯვებისკენ. მან მოუწოდა უკრაინელებს ყველა ქალაქში სადაც მტერი შევიდა, შეტევაზე გადავიდნენ. მისი თქმით, საჭიროა ქუჩაში გასვლა და ბრძოლა, ყოველთვის, როცა ამის შესაძლებლობა არსებობს, ისევე, როგორც ხერსონში, ბოროდიანკში, მელიტოპოლში.

გარდა ამისა, უკრაინის პრეზიდენტმა დონბასის მოსახლეობასაც მიმართა და მათ სხვა ქალაქებთან ერთად, საკუთარი უფლებებისა და თავისუფლებისთვის ბრძოლისკენ მოუწოდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში