უკრაინის პრეზიდენტი, ვოლოდიმირ ზელენსკი რუსეთის მოქალაქეებს, რომლებიც ომის წინააღმდეგ გამოვიდნენ მიმართავს და მხარდაჭერისთვის მადლობა უხდის. მისი თქმით, მათ მთავრობას უნდა უთხრან, რომ ომი შეწყდეს, რათა ბევრი სიცოცხლე გადარჩეს.

"მინდა, რომ რუსეთს ჩემი ხმა მივაწვდინო. აბსოლუტურად ყველაფერი, ათასობით მსხვერპლი, ასობით ტყვე, რომლებიც უბრალოდ ვერ ხვდებიან, რატომ გამოაგზავნეს უკრაინაში. ისინი უკრაინაში სიკვდილისთვის გამოაგზავნეს, იმისთვის, რომ სხვები დახოცონ. რაც უფრო მალე ეტყვით თქვენს მთავრობას, რომ ომი დაუყოვნებლივ უნდა შეწყდეს, მით უფრო მეტი თქვენი ხალხი დარჩება ცოცხალი.

ჩვენ იმასაც ნამდვილად ვხედავთ, რომ თქვენს მოქალაქეებში ომის წინააღმდეგ პროტესტია და ვიცით, რომ ბევრი ადამიანი რუსეთში შოკირებულია ხელისუფლების ქმედებებითა და სისასტიკით. ეს ძალიან სწორი პასუხია. მე მადლობას გიხსით ამ რეაქციისთვის! მადლობა ათასობით ადამიანს, ათასობით ღირსეულ რუსს, რომელთა სინდისი ხმა ისმის. უბრალოდ შეაჩერეთ ის, ვინც გატყუებთ, გვატყუებს და ატყუებს მსოფლიოს. ჩვენ ეს ომი უნდა დავასრულოთ", — განაცხადა მან.

ამასთან, ზელენსკი ამბობს, რომ რომ კიევსა და მიმდებარედ მთავარ ქალაქებს უკრაინელები აკონტროლებენ. მისი თქმით, ბრძოლები გრძელდება, თუმცა მტრის თავდასხმებს უმკლავდებიან.

"ჩვენ გავუძელით და წარმატებით ვამარცხებთ მტრის თავდასხმებს. ბრძოლები გრძელდება, უამრავ ქალაქში და ჩვენი სახელმწიფოს მიმდებარედ. მაგრამ ჩვენ ვიცით, რასაც ვიცავთ — ჩვენს ქვეყანას, მიწას და ჩვენი შვილების მომავალს. კიევსა და დედაქალაქის ირგვლივ მნიშვნელოვან ქალაქებს ჩვენი ჯარი აკონტროლებს", — ამბობს ის.