თბილისის საქალაქო სასამართლომ განსაკუთრებით დიდი ოდენობით ნარკოტიკული საშუალებების უკანონო შეძენა-შენახვაში ბრალდებული დავით ხარშილაძე პატიმრობაში დატოვა. მოსამართლემ გადაწყვეტილება ცოტა ხნის წინ გამოაცხადა, მისი განცხადებით, არსებობს ხარშილაძის მიმალვისა და მოწმეებზე ზემოქმედების საფრთხე.

სასამართლომ არ დააკმაყოფილა დაცვის მხარის ის შუამდგომლობა, რომლითაც ისინი ხარშილაძის დაკავებისა და ჩხრეკის ოქმების ბათილად ცნობას ითხოვდნენ. ისინი მიიჩნევენ რომ აღნიშნული ოქმები გაყალბებულია.

გაზეთ ქრონიკა პლუსის რედაქტორის, ელისო კილაძის შვილი, დავით ხარშილაძე, 13 მარტს, დააკავეს. 15 მარტს მას თბილისის საქალაქო სასამართლომ აღკვეთის ღონისძიების სახით წინასწარი პატიმრობა შეუფარდა. ხარჩილაძე 0,1626 გრამი ბუპრენორფინის შენახვის ბრალდებითაა დაკავებული. ელისო კილაძე შვილის დაკავებას თავის ჟურნალისტურ საქმიანობას უკავშირებს.