ზურაბიშვილი: მინდა გამოვუცხადო სოლიდარობა უკრაინას

24 Feb. 2022, 15:50

დღეს საკითხი ეროვნული თანხმობის ერთი და მხოლოდ ერთი, ეს არის უკრაინა და ჩვენი სოლიდარობა უკრაინის მიმართ. უკრაინისთვის დღევანდელი დღე ტრაგიკულია. მიუხედავად იმისა, რომ ბოლომდე მშვიდობის შენარჩუნებისთვის ყველაფერი იღონა, ვერ აიცილა თავიდან რუსეთის სრულმასშტაბიანი აგრესია. დღეს, როცა იგი ცდილობს გაუმკლავდეს ამ უმძიმეს ვითარებას, საქართველო მის გვერდით დგას. ეს დღე, ასევე, ტრაგიკულია საქართველოსთვის და ყველა მშვიდობისმოყვარე დემოკრატიული ერისთვის ევროპასა და მსოფლიოში, რამეთუ ომი ევროპის ომში გაჩაღდა ყველანაირი დიალოგის მცდელობის მიუხედავად.

როგორც საქართველოს პრეზიდენტი, პრეზიდენტი ქვეყნისა, რომელმაც ასეთივე აგრესია განიცადა, მინდა გამოვუცხადო უკრაინის პრეზიდენტს , მთავრობას და ხალხს ჩვენი სრული სოლიდარობა. მინდა პატივი მივაგო იმ უკრაინელ ჯარისკაცებს და მოქალაქეებს, რომლებიც შეეწირნენ დღეს თავიანთ ქვეყნის სუვერენიტეტის დაცვას.

უნდა შევუერთდე გაეროს გენერალური მდივნისა და ყველა სხვა ლიდერის დაუყოვნებლივ ცეცხლის შეწყვეტისკენ მოწოდებას.

მინდა მივმართო ჩვენს მოსახლეობას, პოლიტიკურ სპექტრს, უმრავლესობას, ოპოზიციას, მთავრობას, დღეს, როგორც არასდროს, ჩვენთვისა და ჩვენი მომავლისთვის აუცილებელია ეროვნული თანხმობა და ერთსულოვნება. ძალა ერთობაშია.

ბოლო ამბები:

სალომე ზურაბიშვილი ზურაბიშვილი: მინდა გამოვუცხადო სოლიდარობა უკრაინას

კომენტარები

კვირის ტოპ-5

გირჩევთ

ახლა კითხულობენ

რესან ქიქავა: ეკითხებიან, რატომ აღარ "ვჩანვარ"? ბიზნესმენს წაერთვა აზრის გამოხატვის თავისუფლება