სომხეთსა და აზერბაიჯანს შორის ბოლო სამი დღის განმავლობაში მცირე შეტაკებები მოხდა. ამის შესახებ ინფორმაციას ქვეყნების თავდაცვის სამინისტროები ავრცელებენ.

აზერბაიჯანის თავდაცვის სამინისტროს ცნობით, სომხეთის არმიამ 8, 9 და 10 დეკემბერს აზერბაიჯანელ სამხედროებს ცეცხლი გაუხსნა. აზერბაიჯანული მხარე აცხადებს, რომ ეს სომხეთის მხრიდან პროვოკაციაა. მათივე თქმით, 8 დეკემბერს შეტაკებებს ერთი აზერბაიჯანელი სამხედროს სიცოცხლე ემსხვერპლა.

სომხეთის თავდაცვის სამინისტროს განცხადებით, შეტაკებები აზერბაიჯანულმა არმიამ დაიწყო. მათი ინფორმაციით, 9 დეკემბერს ორი სომეხი სამხედრო დაიჭრა, ხოლო 10 დეკემბერს ერთი ჯარისკაცი დაუღუპა.

17 ნოემბერს სომხეთი და აზერბაიჯანი ცეცხლის შეწყვეტაზე შეთანხმდნენ. სომხეთის თავდაცვის სამინისტრომ განაცხადა, რომ შეთანხმება რუსეთის მედიაციით მოხდა.