მიხეილ სააკაშვილის ადვოკატი, ბექა ბასილაია აცხადებს, რომ ე.წ. პიჯაკების საქმის ფარგლებში სურთ სახელმწიფო დაცვის სპეციალური სამსახურის უფროსის, ანზორ ჩუბინიძის დაკითხვა. ბასილაია აცხადებს, რომ ჩუბინიძესაც "არანაკლები თანხა" აქვს დახარჯული იგივე მიზნებით, რაზეც სააკაშვილს ბრალი აქვს წარდგენილი.

"ანზორ ჩუბიძინე მიხეილ სააკაშვილის პრეზიდენტობის ბოლო წელს იყო სახელმწიფო დაცვის სპეციალური სამსახურის უფროსი, რომელმაც დახარჯა არანაკლები თანხა, ლამის რამდენიმე მილიონი იგივე მიზნებით და ფუნქციებით, რაზეც ასამართლებენ მიხეილ სააკაშვილს, რაზეც ასამართლებენ თემურ ჯანაშიას, მაგრამ ანზორ ჩუბინიძის მიმართ მთელი ამდენი წლის მანძილზე პროკურატურას კითხვა არ ჰქონია", — განაცხადა ბასილაიამ.

მისი თქმით, ჩუბინიძის დაკითხვით უნდათ დაამტკიცონ, რომ იმის მსგავსი ხარჯების გაწევა, რასაც სააკაშვილს ედავებიან, ლეგიტიმურია.

"ჩვენ იმას კი არ ვამბობთ, რომ ანზორ ჩუბინიძე დანაშაულს ჩადიოდა, ჩვენ იმას ვამბობთ, რომ ანზორ ჩუბინიძესთან დაკავშირებით რახან პროკურატურას არ აქვს კითხვები, ეს ნიშნავს, რომ ამ საქმეში არ არსებობს გაფლანგვა და ამ ტიპის ხარჯი უნდა იქნეს გაწეული ნებისმიერი მთავრობის დროს, ნებისმიერი სახელმწიფო დაცვის სამსახურის უფროსობის პერიოდში", — განაცხადა ბექა ბასილაიამ.

დღეს თბილისის საქალაქო სასამართლოში მიხეილ სააკაშვილის მორიგი სხდომა გაიმართა. მოსამართლე ბადრი კოჭლამაზიშვილმა ე.წ. პიჯაკების საქმე განიხილა.

ნახეთ რა თქვა სააკაშვილმა პროცესზე სიტყვით გამოსვლისას: