ჟურნალისტმა, მაია ასათიანმა TV პირველი დატოვა. აღნიშნულზე ინფორმაცია On.ge-ს მაია ასათიანმა დაუდასტურა. მისივე თქმით, ეს გადაწყვეტილება თვითონ მიიღო.

ჟურნალისტი გადაწყვეტილების მიზეზებზე არ საუბრობს.

მაია ასათიანის გადაცემა პროფილი TV პირველზე გადასვლის შესახებ ინფორმაცია 12 აპრილს გავრცელდა.

ასათიანმა რუსთავი 25 მარტს დატოვა. არხის დირექტორის, პაატა სალიას განცხადებით, გადაცემა მენეჯმენტს არ დაუხურავს და გადაწყვეტილება მაია ასათიანმა, გუნდთან ერთად, მას შემდეგ მიიღო, რაც ახალ საეთერო ბადეში შეჩერდა ამავე გუნდის მიერ მომზადებული გადაცემა შორენას ეფექტი.

"დღეს მე აქ, ამ არხზე ჩემს 20-წლიან ისტორიას ვასრულებ. ბოლო გავდივარ, იმიტომ რომ აქ იმ სინათლეს, წლების წინ მთელი საქართველოს მთავარი იმედი რომ იყო, ვეღარ ვხედავ", — თქვა ასათიანმა პრომოში, რომლთაც არხზე გადაცემის დახურვა და წამოსვლა დააანონსა.

სალიამ აღნიშნა, რომ ასათანის მხრიდან ეს თანამშრომლების მიმართ "დაუმსახურებელი და შეურაცხმყოფელი" განცხადებაა.