უკრაინის პრეზიდენტმა, ვოლოდიმირ ზელენსკიმ საქართველოს პრემიერმინისტრი, ირაკლი ღარიბაშვილი "დამსახურებისთვის" პირველი ხარისხის ორდენით დააჯილდოვა.

ზელენსკიმ ასევე დააჯილდოვა ყირიმის პლატფორმის სხვა მონაწილეები. მათ შორის, ევროპული საბჭოს პრეზიდენტი შარლ მიშელი, ევროკომისიის ვიცე-პრეზიდენტი ვალდის დომბროვსკისი, პოლონეთის, ესტონეთის, ლატვიის, ლიეტუვის, ფინეთის, სლოვაკეთის და მოლდოვას პრეზიდენტები; რუმინეთის, სლოვაკეთის და ხორვატიის პრემიერმინისტრები.

უკრაინაში გაიმართა ყირიმის პლატფორმის პირველი საერთაშორისო კონფერენცია, რომელშიც 46 სხვადასხვა ქვეყნის დელეგაციამ მიიღო მონაწილეობა. პლატფორმის მონაწილეებმა დეკლარაცია მიიღეს, რომელშიც რუსეთის აგრესიული პოლიტიკაა გაკრიტიკებული და მიზნად ისახავს ზეწოლას ყირიმის ნახევარკუნძულის ოკუპაციის შესაწყვეტად. ხელმომწერებს შორისაა საქართველოც.

დეკლარაციაში ხაზგასმულია, რომ საერთაშორისო თანამეგობრობა ყირიმის ანექსიას უკანონოდ ცნობს და იღებს ვალდებულებას გააერთიანოს ძალისხმევა რეგიონში სტაბილურობისა და უსაფრთხოების გაძლიერებისთვის.