სტუდია მონიტორის ინფორმაციით, სახელმწიფო უწყებები ერთ ბოთლ ჭაჭაში 50-დან 160 დოლარამდე გადაიხადეს. ალკოჰოლური სასმელის შესაძენად 70 ათას ლარზე მეტი დაიხარჯა. ინფორმაცია სტუდია მონიტორმა ფეისბუკით გაავრცელა.

მედიასაშუალების ინფორმაციით, არყის შესაძენად ტენდერი არ გამოცხადებლა და ალკოჰოლი კომპანია ზეარისისგან შეიძინეს. კომპანიის დირექტორი თეონა ზაქრაძეა, რომელიც ყოფილი პარლამენტარის, გოჩა ფიფიას ცოლია.

ყველაზე მეტი ღირებულების (31 ათასი ლარი) ალკოჰოლური სასმელი საქართველოს ფოსტამ იყიდა, სხვა უწყებებმა კი შედარებით ნაკლები. სტუდია მონიტორს განუცხადეს, რომ სასმელი სტუმრებისთვის შეისყიდეს.