ინფორმაციას იმის შესახებ, რომ საპატრიარქოში ჩხრეკა ჩატარდა აბსურდს უწოდებს საპატრიარქოს პრესსამსახურის ახალი ხელმძღვანელი მამა დავით შარაშენიძე:

"არანაირი ჩხრეკა, მსგავსი სამართლებრივი მოქმედება საქართველოს საპატრიარქოში არ ჩატარებულა. მე მქონდა გასაუბრება მისი უწმინდესობის დაცვის უფროსთან ბატონ ზურაბ ბუჩუკურთან, ასევე დაცვის სხვა წევრებთან და არც ერთმა მათგანმა ეს მოვლენა არ დაადასტურა. რა თქმა უნდა, ისინი არიან იარაღით აღჭურვილები. როგორც იცით ის გახლავთ შსს-ს დანაყოფი, ექვემდებარებიან შსს-ს და ბუნებრივია, მათ აქვთ იარაღის ტარების უფლება. დანარჩენი - ჩხრეკასთან დაკავშირებით, იარაღის არსენალთან დაკავშირებით, არის სრული აბსურდი."

აღნიშნული ინფორმაცია ტელეკომპანია იმედის გადაცემა იმედის დროში გაჟღერდა. ტვ იმედის ცნობით, 23 თებერვალს საპატრიარქოში ჩატარდა ჩხრეკა, რომლის შედეგად ცეცხლსასროლი იარაღი ამოიღეს.