დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, ვაქცინის პირველი დოზა რამდენიც გაიხარჯება, მეორე დოზა ყოველთვის არის შენახული. მისივე თქმით, უაცროდ არავინ არ დარჩება.

"წარმოიდგინეთ, ასტრაზენეკას ერთი დოზიდან მეორემდე 8-12 კვირამდე სჭირდება და ადამიანს 12 კვირის მერე უნიშნავ — ამ დროს მოხვალ აქ. მესმის, ყველაფრის კრიტიკა შეიძლება, მაგრამ 12 კვირის მერე თუ მე არ მაწყობს და მინდა, მე-11 კვირას სადღაც ვიყო და იქ ავიცრა? არჩევანის თავისუფლება რატომ უნდა წავართვათ ადამიანებს? მეორე დოზა ყველას ერგება, ყველა დაწყნარდეს, ყველა დამშვიდდეს.

სხვათა შორის, მეორე დოზაზე, რადგან ვიცოდით, რომ ბევრი ადამიანი პირველ დოზაზე დაფიქსირებული იყო ქალაქგარეთ, თბილისში დაემატა ძალიან ბევრი ადგილი, წარმოიდგინეთ, იმავე ადამიანისთვის რომ გვეთქვა — "შენ აქ აიცერი? ზუსტად სამ კვირაში ისევ იქ წახვალ და იქ აიცრები", კარგი იქნებოდა?", — განაცხადა იმნაძემ საზოგადოებრივ მაუწყებელთან.