დღეს, 12 მაისს 20:00 საათიდან Sinopharm-ის მეორე დოზებზე რეგისტრაცია დაიწყო. ამ ეტაპისთვის სარეგისტრაციო პორტალი booking.moh.gov.ge ხარვეზებით მუშაობს.

როგორც ჯანდაცვის სამინისტროში On.ge-ს განუცხადეს, საიტს შეფერხება აქვს მაშინ, როცა ბევრი მოქალაქე ერთად იყენებს.

"სწორდება რამდენიმე წუთში, თუ არ გასწორდება იქნება რეაგირება", — გვითხრეს უწყებაში.

საქართველოს ჯანდაცვის სამინისტროს ცნობით, მოქალაქეებს ვაქცინაციაზე რეგისტრაცია ცხელი ხაზის — 15 22-ის მეშვეობითაც შეეძლებათ. გარდა ამისა, 20:00 საათიდან დაიწყო რეგისტრაცია AstraZeneca-ს დოზებზე 45 წელს ზემოთ მოქალაქეებისთვის.

ქვეყანაში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო, სინოფარმით — 4 მაისს. ჩინურმა ვაქცინამ ჯანდაცვის მსოფლიო ორგანიზაიის ავტორიზაცია 7 მაისს მიიღო.