ათ წელზე მეტი ხნის შემდეგ, ამერიკული ძალები ერაყში არსებული მათი ბოლო სამხედრო ბაზებიდან გადიან. ინფორმაციას Deutsche Welle ავრცელებს.

"დღეს შეერთებულმა შტატებმა და ჩვენმა კოალიციურმა პარტნიორებმა ერაყში ოფიციალურად დაასრულეს ოპერაცია "ურყევი გადაწყვეტილება", რაც 2024 წლის სექტემბრის აშშ-ერაყის ერთობლივ განცხადებას და აშშ-ის ეროვნულ ინტერესებს შეესაბამება", — ნათქვამია პენტაგონის განცხადებაში.

პენტაგონმა დაამატა, რომ ის ერაყელ პარტნიორებს მიზნობრივ წვრთნებს კვლავ ჩაუტარებს და სადაზვერვო მხარდაჭერასაც აღმოუჩენს.

"ეს ეტაპი ასახავს 12-წლიანი კამპანიის წარმატებას, რომელმაც დაამარცხა ISIS-ის ორგანიზებული სამხედრო საფრთხე ერაყსა და მთელ რეგიონშ", — განაცხადა პენტაგონის პრესსპიკერმა შონ პარნელმა.

"ეს ასევე ნიშნავს საომარი კოალიციური მისიიდან ერაყის მიერ ლიდერირებულ უსაფრთხოების ძალისხმევაზე გადასვლას", — აღნიშნა მან.

ერაყის პრემიერმინისტრმა ალი ალ-ზაიდიმ განაცხადა, რომ 1-ელი ოქტომბერი (ჯარების გაყვანის მომდევნო დღე) სუვერენიტეტის დღედ უნდა აღინიშნოს.

"ეს არის ეროვნული დღესასწაული, რომელიც ადასტურებს ერაყის სუვერენიტეტისკენ მიმავალი გზის დასრულებას და სახელმწიფოსა და მისი ინსტიტუტების განამტკიცებს", — განაცხადეს აღმასრულებელი, საკანონმდებლო და სასამართლო ხელისუფლების ხელმძღვანელებმა.

ცნობისთვის, ჯარები ერაყსა და სირიაში 2014 წელს განთავსდნენ ტერორისტული დაჯგუფება "ისლამური სახელმწიფოს" (IS) წინააღმდეგ საბრძოლველად, რომელმაც ორივე ქვეყნის დიდ ნაწილზე დაამყარა კონტროლი.

"ისლამური სახელმწიფო" ერაყში 2017 წელს, ხოლო სირიაში 2019 წელს დამარცხდა, თუმცა კოალიციის ძალები იქ დაჯგუფების ნარჩენებთან საბრძოლველად დარჩნენ.