აშშ-ს საკვებისა და წამლების ადმინისტრაციამ 12-15 წლის მოზარდებში კორონავირუსზე Pfizer-ის ვაქცინის გამოყენება დაუშვა. CNN-ს ინფორმაციით, გადაწყვეტილება FDA-მ ორშაბათს მიიღო.

ეს პირველი ვაქცინაა აშშ-ში, რომელიც პატარა ასაკის მოზარდებში დასაშვები გახდა. მანამდე პრეპარატი 16 წლის ზემოთ პირებისთვის გახდა ხელმისაწვდომი. რაც შეეხებათ Moderna-სა და Johnson & Johnson-ის ვაქცინებს მათი გამოყენება 18 წლის ზემოთ პირებისთვის არის დასაშვები.

FDA-მ გადაწყვეტილება Pfizer-ის კვლევაზე დაყრდნობით მიიღო. მარტის ბოლოს კლინიკურმა კვლევებმა 12-15 წლის 2 260 მოზარდში 100-პროცენტიანი ეფექტურობა აჩვენა.

ოთხშაბათს აშშ-ს დაავადებათა კონტროლის ცენტრის კომიტეტმა იმუნიზაციის საკითხებში უნდა იმსჯელოს და შესთავაზოს CDC-ის, დაიწყოს თუ არა იმუნიზაცია 12-15 წლის მოზარდებში.