დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის დირექტორის, ამირან გამყრელიძის განცხადებით, 18 წლამდე მოსახლეობის აცრა, ალბათ, საჭირო გახდება, თუმცა ეს იქნება მოგვიანებით.

"ალბათ ჯერ, ყოველ შემთხვევაში შემოდგომამდე, სანამ ამას ჯანმრთელობის მსოფლიო ორგანიზაცია, ევროპის წამლის სააგენტო და ა.შ. არ განიხილავს, ამაზე საუბარი ჩვენთან არ არის, თუმცა ეს საკითხი ძალიან მნიშვნელოვანია, რადგან ბავშვების აცრის გარეშე, რა თქმა უნდა, პანდემიას საბოლოოდ კაცობრიობა ვერ დაამარცხებს. კარგია, რომ ბავშვებში მსუბუქად მიდის ეს დაავადება, მაგრამ ისინი, ასევე, არიან ძლიერი გამავრცელებლები ინფექციის, ამიტომ, ალბათ, მოგვიწევს, მაგრამ ეს იქნება მოგვიანებით", — განაცხადა გამყრელიძემ.

7 მაისის მონაცემებით, საქართველოში კორონავირუსის 1547 ახალი შემთხვევა დადასტურდა, გამოჯანმრთელდა 1 131, ხოლო გარდაიცვალა — 18 ადამიანი.

სულ 6 ოქტომბრიდან — 6 მაისის პერიოდში, სახელმწიფო საზღვრიდან საკარანტინე სივრცეებში გადაყვანილია — 24 612 პირი.

ამ ეტაპისთვის თვითიზოლაციაში იმყოფება 35 553 ადამიანი, მათ შორის თბილისში — 27 134 პირი, აჭარაში — 2 283, იმერეთში — 1 127.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: