კოალიცია მედიის ადვოკატირებისთვის აცხადებს, რომ დავით გარეჯში მთავარ არხის დაპირისპირების ფაქტი ჟურნალისტურ საქმიანობაში უკანონოდ ხელის შეშლის ნიშნებს მოიცავს.

"კოალიცია მედიის ადვოკატირებისთვის წევრი ორგანიზაციები საქართველოს შინაგან საქმეთა სამინისტროს დავითგარეჯის სამონასტრო კომპლექსში მომხდარ ფაქტთან დაკავშირებით გამოძიების დროულად დაწყებას და ჟურნალისტურ საქმიანობაში უკანონოდ ხელის შეშლის აღკვეთისკენ მოუწოდებენ", — ვკითხულობთ განცხადებაში.

დღეს, 4 მაისს დავით გარეჯში მთავარი არხის გადამღებ ჯგუფსა და ე.წ. კარტოგრაფების საქმეში ბრალდებულს, ივერი მელაშვილს დაუპირისპირისპირდნენ. ტელეკომპანიის გავრცელებულ კადრებში ჩანს, რომ აგრესიული სასულიერო და სამოქალაქო პირები მელაშვილს ემუქრებიან და ჟურნალისტს ფიზიკურად უხეშად ეხებიან.

ივერი მელაშვილმა On.ge-ს უთხრა, რომ ადამიანები, რომლებმაც მას სიტყვიერი შეურაცხყოფა მიაყენეს, ჩვეულებრივი მოქალაქეები არინ, "უბრალოდ შეცდომაში შეყვანილები".