ბათუმში, კლინიკა ბიემსიში Covid-19-ით 34 წლის ქალი გარდაიცვალა. აჭარის ჯანდაცვის სამინისტროს ცნობით, პაციენტს მკურნალობა რეანიმაციის განყოფილებაში უტარდებოდა, სადაც თავის ტვინის ინფარქტი, ქვემო კიდურების ღრმა სისხლძარღვების ფლებიტი და თრომბოფლებიტი განუვითარდა.

"მიუხადავად ჩატარებული ადეკვატური მკურნალობისა, თანმდევი დაავადებების სირთულიდან გამომდინარე, პაციენტის გადარჩენა ვერ მოხერხდა", — აცხადებენ სამინისტროში.

მათივე თქმით, ბიემსიში პაციენტი 8 აპრილს შეიყვანეს.

დღეს, 3 მაისს ბათუმში Covid-19-ით გარდაცვალების კიდევ 2 შემთხვევა დაფიქსირდა. რესპუბლიკურ საავადმყოფოში გარდაიცვალა 71 და 66 წლის ქალი.