ამერიკის სახელმწიფო მდივანი, ენტონი ბლინკენი აცხადებს, რომ უერთდება ევროკავშირის ლიდერების სულისკვეეთებას და გმობს რუსეთის მიერ ევროპელ მაღალჩინოსნებზე დაწესებულ აკრძალვას.

"ჩვენ ვუერთდებით ევროკავშირის ლიდერებს და ვგმობთ კრემლის მიერ დაწესებულ შეზღუდვებს ევროკავშირის მაღალჩინოსნებზე. ჩვენს მოკავშირეებთან და პარნიორებთან ერთად, გვსურს უფრო კონსტრუქციული ურთიერთობა რუსეთთან, თუმცა მან პატივი უნდა სცეს საერთაშორისო ვალდებულებებს", — წერს ბლინკენი.

რუსეთმა ევროპარლამენტის პრეზიდენტსა და კიდევ 7 ევროპელ მაღალჩინოსანს ქვეყანაში შესვლა აუკრძალა. ინფორმაციას ამის შესახებ რუსეთის საგარეო საქმეთა სამინისტრო ავრცელებს.

სანქცირებულთა სიაში მოხვდნენ ევროპარლამენტის პრეზიდენტი დავიდ სასოლი, PACE-ში საფრანგეთის დელეგაციის ხელმძღვანელი და ოპოზიციონერი ალექსეი ნავალნის მოწამვლის საქმის თანამომხსენებელი ჟაკ მერუ,ასევე, ბერლინის მთავარი პროკურორი იორგ რაუპახი.

როგორც რუსეთის საგარეო საქმეთა სამინისტროში აცხადებენ, რომ სანქციები საპასუხო ნაბიჯია ევროკავშირის ქმედებებზე, რომელმაც 2021 წლის მარტში რუსეთის მოქალაქეების მიმართ შეზღუდვები დააწესა.