ოკუპირებულ ცხინვალის რეგიონში დე ფაქტო ჯანდაცვის მინისტრის მოვალეობის შემსრულებელს სცემეს. რესის ცნობით, დაზარალებულმა გიორგი ტოტჩიევმა განცხადებით, რომ მას სხეულის დაზიანებები მიაყენეს დე ფაქტო შინაგან საქმეთა სამინისტროს თავად მიმართა.

რესი დე ფაქტო უწყებაზე დაყრდნობით წერს, რომ თავდასხმაში ბრალდებული 34 წლის კაცი უკვე დაკავებულია და დაწყებულია გამოძიება.

რადიო თავისუფლების ცხინვალელი წყაროს ინფორმაციით, მინისტრი ცხინვალის მცხოვრებმა გარი გაბარაევმა სცემა, რომელიც წარსულში სახელმწიფო დაცვის სამსახურის თანამშრომელი იყო. წყაროს ცნობით, ცემის დროს ის მინისტრს უყვიროდა: "ხალხი იხოცება და შენ ცოცხალი როგორ ხარ".

მედიის ცნობით, ცოტა ხნის წინ გარი გაბარაევის დედა ადგილობრივ საავადმყოფოში გარდაიცვალა, ის კი ამ ფაქტს ექიმებისა და მთლიანად დე ფაქტო ჯანდაცვის სისტემას აბრალებს.