ბათუმში ღამის კლუბში მომხდარი ხანძრის შედეგად ერთი ადმიანი დაიღუპა, ხუთი კი მძიმედ დაშავდა. ამის შესახებ On.ge-ს საქართველოს შინაგან საქმეთა სამინისტროში განუცხადეს.

კლუბში ხანძარი დღეს, შუა ღამის დაახლოებით პირველ საათზე მოხდა.

შსს-ს პრესსამსახურის ინფორმაციით, გამოძიება სისხლის სამართლის კოდექსის 187-ე მუხლის მესამე ნაწილით მიმდინარეობს. ამ მუხლით, სხვისი ნივთის დაზიანება ან განადგურება ცეცხლის წაკიდებით, აფეთქებით, ან სხვა საყოველთოდ საშიში საშუალებით, რამაც გაუფრთხილებლობით გამოიწვია ადამიანის სიცოცხლის მოსპობა ან სხვა მძიმე შედეგი, ისჯება თავისუფლების აღკვეთით ვადით ექვსიდან ათ წლამდე.