ალუბლის ყვავილები იაპონიის ერთ-ერთი მთავარი სავიზიტო ბარათი და გაზაფხულის მოსვლის მაუწყებელია. ყოველწლიურად იაპონიაში ადამიანები აყვავებული ალუბლის ხეების საცქერლად იკრიბებიან. ზოგადად, საკურას ყვავილობა იაპონიაში პიკს აპრილში აღწევს, თუმცა წელს პიკი ადრე — 26 მარტს დადგა. ამის შესახებ ინფორმაციას ოსაკას უნივერსიტეტი ავრცელებს.

ის ფაქტი, რომ ბოლო ათწლეულების განმავლობაში საკურას ყვავილობა პიკს შედარებით ადრე აღწევს, სავარაუდოდ, კლიმატის ცვლილების შედეგია. აღსანიშნავია, რომ წინა რეკორდი 1409 წელს დაფიქსირდა, როდესაც საკურას ყვავილობამ პიკს 27 მარტს მიაღწია.

ფოტო: Shutterstock

საკურას ყვავილობა იაპონიაში ერთ-ერთ ღირსშესანიშნავ მოვლენად ითვლება. იაპონურ ენაში საკურას ყვავილობით ყურებისა და ტკბობისთვის განსაკუთრებული სიტყვაც — "ჰანამი" არსებობს. ამ მნიშვნელოვანი მოვლენის შესახებ ცნობები მე-9 საუკუნიდანაა შემონახული. აღნიშნული ცნობების მიხედვით, დაახლოებით მე-19 საუკუნიდან საკურას ყვავილობის პიკის თარიღი თანდათანობით იცვლება და აპრილის შუა რიცხვებიდან მარტისკენ მოიწევს.

ფოტო: Getty Images

იაპონიაში საკურას ყვავილობის სეზონს იაპონიის მეტეოროლოგიური სააგენტო აქტიურად აკვირდება. წელს სეზონი ჰიროშიმაში, 11 მარტს დაიწყო.