საქართველოს პრემიერმინისტრმა, ირაკლი ღარიბაშვილმა განაცხადა, რომ იგი კვლავ მზად არის "გააგრძელოს კონსტრუქციული დიალოგის რეჟიმი". ამის შესახებ მან მთავრობის სხდომის დაწყებამდე ისაუბრა.

"მადლობა მინდა გადავუხადო ევროპული საბჭოს პრეზიდენტს, შარლ მიშელს და აღვნიშნო, რომ დიდად ვაფასებთ მის მხარდაჭერას, ჩართულობას, ჩვენი ქვეყნის მიმართ. ასევე, მივესალმებით პრეზიდენტ მიშელის პირადი წარმომადგენლის, კრისტიან დანიელსონის საქართველოში ჩამოსვლას და ევროკავშირის მიერ მხარდაჭერილ დიალოგში მონაწილეობას.

ჩვენ ვართ დარწმუნებულები, რომ მისი მონაწილეობა პროცესებში კონსტრუქციულად წარმართვას შეუწყობს ხელს, ანუ კიდევ ერთხელ მე მინდა ხაზი გავუსვა, რომ ჩვენ ვართ მზად გავაგრძელოთ კონსტრუქციული დიალოგის რეჟიმი", — თქვა მან.

მისივე თქმით, იზიარებს ევროპული საბჭოს რეკომენდაციებს, რომ ყველამ ერთად, რაც შეიძლება მოკლე დროში გამონახონ "საერთო ენა და მიაღწიონ შეთანხმებას".