ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჟოზეფ ბორელი იმედოვნებს, რომ 16 მარტს, პრემიერმინისტრ ირაკლი ღარიბაშვილთან შეხვედრისას პროგრესულ ინფორმაციას მიიღებს.

"ჩვენ გვექნება შესაძლებლობა შევაფასოთ საქართველოში არსებული პროგრესი მალე. ჩვენ გვექნება შესაძლებლობა, ასოციაციის საბჭოზე შევხვდეთ საქართველოს პრემიერმინისტრს. ეს იქნება ძალიან მნიშვნელოვანი თარიღი და გულწრფელად ვიმედოვნებ, რომ ჩვენ გვექნება იმედისმომცემი პროგრესი. არც ერთ ქვეყანას შეუძლია პოლიტიკური კრიზისის დიდი ხნის მანძილზე გაძლება და ქართველი პოლიტიკოსები ვალდებულნი არიან საკუთარ მოსახლეობას სტაბილური პოლიტიკური კონტექსტი შეუქმნან", — თქვა ბორელმა.

ევროპარლამენტში საქართველოში შექმნილ პოლიტიკურ ვითარებასთან დაკავშირებით განხილვა მიმდინარეობს.