ბოდბელი მთავარეპისკოპოსი იაკობი ამბობს, რომ ჭყონდიდის ყოფილი მეუფის, პეტრეს განკვეთა აუცილებლად მოხდება, რადგან ამას "იმსახურებს".

"თქვენ მკითხეთ მეუფე პეტრეს როლზე და ცოტა ხანში პარტიევმა რომ ასე აღარ გამოიყენონ მაგ ადამიანი, ალბათ... ალბათ კი არა, ჩვენ მივიღებთ იმ ზომებს, რასაც იმსახურებს აბსოლუტურად და მერე ყველანი ნახავთ მის მდგომარეობას. მასე არ უნდა გაუკეთო, მე ადრეც ვთქვი. ბოლომდე არ უნდა იხმაროთ და მერე არ უდნა გადააგდოთ. [...] რა ზომებზე და რასაც იმსახურებს, მიიღებს. აუცილებლად მოხდება [განკვეთა]. იმსახურებს და იმიტომ. გუშინდელი ფაქტი, შეჭრა, რუსეთის დროს ხდებოდა. ასე შეიჭრებოდნენ ხოლმე ეკლესიებში და ეს ვნახეთ გუშინ. ამაზე პასუხი უნდა აგოს ყველამ და აგებენ", — ამბობს მეუფე იაკობი.

წინა წლის ოქტომბერში სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი". ის სინოდიდან მოკვეთეს. ჭყონდიდის ეპისკოპოსი ცაგერისა და ლენტეხის მიტროპოლიტი, სტეფანე გახდა.

ჭყონდიდის ყოფილი მიტროპოლიტი მეუფე პეტრე ცაავა მარტვილის ეპარქიაში განვითარებულ მოვლენებზე პასუხისმგებლობას მეუფე სტეფანეს აკისრებს. როგორც ის აცხადებს, "შენს რეზიდენციაში, როცა შენ ხარ მასპინძელი, ადამიანები 4-5 მეტრის სიმაღლიდან რომ გადაცვივდებიან, მთელი პასუხიმგებლობა შენზეა". თუმცა, მიტროპოლიტმა სტეფანემ დაშავებულების შესახებ დასმული კითხვების პასუხად "გალობა" დაიწყო.