ახალი ზელანდიის პრემიერ-მინისტრმა, ჯაკინდა არდერნმა ქვეყნის ყველაზე დიდ ქალაქში, ოკლენდში 3 დღიანი ე.წ. ლოქდაუნი გამოაცხადა.

იანვრის შემდეგ აღნიშნულ ქალაქში პირველად დაფიქსირდა კორონავირუსის 3 შემთხვევა.

დაწესებული შეზღუდვები ითვალისწინებს, რომ განსაკუთრებული საჭიროებების არსებობის გარდა ადამიანები უნდა დარჩნენ სახლში და გააგრძელონ ვირუსთან იმ მიდგომით გამკლავება, რომელსაც პანდემიის საწყის ეტაპზე იყენებდნენ.

"ჩვენ შევაკავეთ ვირუსი აქამდე და ამას კიდევ ერთხელ ვიზამთ", — თქვა არდერნმა.

ახალ ზელანდიაში 2 თვეზე მეტია (იანვრის ქეისამდე) ინფიცირების ლოკალური შემთხვევა არ დაფიქსურებულა. ქვეყანაში 5 თებერვლიდან Pfizer-BioNTech-ის ვაქცინას იყენებენ.

შეზღუდვები ოთხშაბათამდე გაგრძელდება, საჯარო სივრცეები და საზოგადოებრივი შეკრების ადგილები დაიხურება, თუმცა ქორწილები და დაკრძალვები შესაძლებელი იქნება დამსწრეთა 10-კაციანი ლიმიტის ფონზე. მოსწავლეები გაკვეთილებს სახლიდან დაესწრებიან.