განახლება: თითქმის 30 წუთის შემდეგ საპატრიარქომ განჩინება იმავე ფორმით გაავრცელა. სინოდის სხდომაზე განხილული საკითხები შეგიძლიათ ნახოთ აქ.

საპატრიარქომ საზოგადოებასთან ურთიერთობის სამსახურმა სინოდის სხდომის განჩინება ჯერ გამოაქვეყნა, რამდენიმე წუთის შემდეგ კი წაშალა.

როგორც წაშლილი განჩინებიდან ჩანდა, სინოდზე 12 საკითხი განიხილეს, მათ შორის დავით გარეჯის, ვაქცინაციის, ბიბლიური თავისუფლებისა და მეუფე პეტრე ცაავას საკითხები.

სინოდის სხდომა 11 თებერვალს გაიმართა. როგორც საპატრიარქოში განაცხადეს, საკითხების სიმრავლის გამო განჩინების მომზადება ვერ ესწრება, რის გამოც მას მეორე დღეს გაასაჯაროებდნენ.

როგორც ყოველთვის, სხდომამდე განსახილველი საკითხები საჯარო არ ყოფილა. სხდომის დასრულების შემდეგ მღვდელმთავრების განცხადებებით გახდა ცნობილი რამდენიმე გადაწყვეტილების შესახებ.