სახელმწიფო უსაფრთხოების სამსახურში აცხადებენ, რომ ოკუპირებული ცხინვალის რეგიონის საოკუპაციო რეჟიმის მიერ უკანონოდ დაკავებული ერიკ დრულევი თავისუფალია.

"ერიკ დრულევის უკანონოდ დაკავების მომენტიდან, სახელმწიფო უსაფრთხოების სამსახურის მიერ ცხელი ხაზი გააქტიურდა, რის ფარგლებშიც საოკუპაციო რეჟიმთან მუდმივი კომუნიკაცია მიმდინარეობდა. პროცესში აქტიურად ჩაერთო საქართველოში ევროკავშირის სადამკვირვებლო მისია", — აცხადებენ უწყებაში.

მათივე თქმით, უკანონოდ დაკავებული სხვა პირების დაუყოვნებელი და უპირობო გათავისუფლების მიმართულებით მუშაობას განაგრძობენ.

საოკუპაციო ძალებმა 2021 წლის 5 თებერვალს, საქართველო-რუსეთის
საზღვრის როკის გვირაბის მონაკვეთზე, ერიკ დრულევი უკანონოდ დააკავეს.