მიტროპოლიტ ნიკოლოზ ფაჩუაშვილის განცხადებით, მასაც აინტერესებს რა შუაშია სინოდი ვაქცინასთან. მისი თქმით, ამაზე ექიმებმა უნდა ილაპარაკონ. ასე პასუხობს იგი TV პირველის ეთერში ჟურნალისტის კითხვას, რა კავშირშია სინოდი ვაქცინაციასთან.

"სხვათაშორის ძალიან კარგი კითხვაა, დიდი მადლობა, თქვენ გარდა არავისგან არ გამიგია და ყველას მე ვეუბნები ამას, ჩვენ რა შუაში ვართ ხომ? არც წინააღმდეგ არ წავალ და არც მის დასაცავად ვერ წავალთ, იმიტომ, რომ არა გვაქვს მისი შესაბამისი არც განათლება, არც სტატუსი, ექიმებმა არ უნდა ილაპარაკონ ამაზე? ჩვენ რა დავაგდინეთ [სხდომაზე] გეტყვით, ზუსტად ეგ დავადგინეთ, რასაც ახლა თქვენ ამბობთ. ეს არ არის უბრალო საკითხი. ზოგადად, ჩვენ უნდა მოვუსმინოთ ექიმებს. ჩვენ სწორედ ეს ვთქვით, ეკლესია რის მიხედვითაც აკეთებს შეფასებას, აიცრის ადამიანი თუ არ აიცრის, ამას არავითარი მიმართება ადამიანის ზიარებასთან არ ექნება. აცრა არ არის არც ცოდვა და არც აუცილებლობა, რომელიც ადამიანმა უნდა გადაწყვიტოს თვითონ, ქიმებთან კონსულტაციით", — განაცხადა მან.

დღეს, თითქმის 1 წლიანი პაუზის შემდეგ, საპატრიარქოში სინოდის სხდომა გაიმართა. სხდომის დასრულების შემდეგ, საპატრიარქოს საზოგადოებასთან ურთიერთობის სამსახურის უფროსმა, ანდრია ჯაღმაიძემ ჟურნალისტებს განუცხადა, რომ ვაქცინაცია ის ერთ-ერთი თემა იყო, რაც იქ განიხილეს. უნდა აღინიშნონს, რომ პანდემიის დაწყებიდან დღემდე, მღვდელმთავრები განსხვავებულ მოსაზრებებს აჟღერებდნენ ვაქცინაციასთან დაკავშირებით. ნაწილი ამტკიცებდა, რომ ის ადამიანების დაჩიპვას ემსახურება და მისი წინააღმდეგი იყო. დანარჩენის განცხადებით კი, ეს არჩევანი ადამიანმა თავად უნდა გააკეთოს. დღეს სინოდის ოქმის გამოქვეყნების შემდეგ, ცნობილი გახდება რა გადაწყვეტილება მიიღო საპატრიარქომ ვაქცინაციასთან დაკავშირებით.

ამავე თემაზე: