საქართველოს უსაფრთხოების სამსახურში განაცხადეს, რომ რუსეთის საოკუპაციო რეჟიმის მხრიდან საოკუპაციო ხაზზე საქართველოს მოქალაქეების უკანონო დაკავების ფაქტი ყოველწლიურად მაღალია. სუს-ის ცნობით, უკანონო დაკავებების ყველაზე მაღალი მაჩვენებელი 2011 წელს დაფიქსირდა.

"2008 წლიდან მოყოლებული არ ყოფილა არცერთი წელი მრავალრიცხოვანი დაკავებების გარეშე", — აცხადებენ უწყებაში.

მათივე თქმით, უკანონო დაკავებულ ადამიანთა რიცხვი შემდეგნაირია:

  • 2009 და 2010 წელს საქართველოს 80-მდე მოქალაქე უკანონოდ დააკავეს;
  • 2011 წელს უკანონო დაკავებების რიცხვმა 140-ს მიაღწია;
  • 2012 წელს იყო 110;
  • 2019 წელს 86;
  • 2020 წელს 64 ადამიანი დააკავეს.

სუს-ში, ასევე, აღნიშნეს, რომ უკანონო დაკავებები რუსეთ-საქართველოს 2008 წლის ომის შემდეგ ფიქსირდება.