მთავრობის კანცელარიასთან რამდენიმე წუთის წინ აქცია დაიწყო. აქციის მონაწილეები სავაჭრო ცენტრ ბავშთა სამყაროში დასაქმებული ადამიანები არიან. ისინი სავაჭრო ცენტრში გაჩენილი ხანძრის გამო მიყენებული ზიანისთვის კონპესაციას სთხოვენ.

აქციაზეა მისული საქართველოს ადვოკატთა ასოციაციის ხელმძღვანელი ზაზა ხატიაშვილი. მისი თქმით, აქციის მონაწილეების მოთხოვნა სრულად უნდა დაკმაყოფილდეს.

„უნდა შეწყდეს ათი მილიონის სისულელეში გადახდა, ვიღაც ვარსკვლავების ჩამოსაყვანად, როცა არის ქვეყანა გაჭირვებული... ჩვენ ვპირდებით, რომ კარ-კარ ვივლით, მთელ თბილისს და საქართველოს გამოვიყვანთ ქუჩაში და რამდენიმე ქალაქში გავაკეთებთ აქციას,“ - თქვა ხატიაშვილმა.

თბილისში, სავაჭრო ცენტრ ბავშვთა სამყაროში 30 იანვარს, გამთენიისას გაჩენილი ხანძრის შედეგად სრულიად განადგურდა შენობა, დაზარალდა ათობით მოვაჭრე, რომლებსაც სავაჭრო ცენტრში და მის მიმდებარე ბაზრობებზე ტანსაცმლის, ავეჯის, ოქრო-ვერცხლის მაღაზიები ჰქონდათ.