მეუფე თეოდორე ახალციხის საკრებულოსაგან შალვა ახალციხელის სახელობის ტაძარის მშენებლობის დაფინანსება მოითხოვა, რასაც დეპუტატების უმრავლესობამ მხარი დაუჭირა. ამის შესახებ ონლაინ გამოცემა, სამხრეთის კარიბჭე ავრცელებს ინფორმაციას.

კერძოდ, მეუფე თეოდორემ თვითმმართველობისგან 100 ათასი ლარი ითხოვა. იგი სამხრეთის კარიბჭესთან ინტერვიუში აცხადებს, რომ სახსრები, რომლებიც ტაო–კლარჯეთის ეპაქრიაში შედის, ტაძრის ბოლომდე მისაყვანად საკმარისი არ არის. მისივე განცხადებით, აღნიშნული ტაძრის მშენებლობისათვის თვითმმართველობიდან თანხა უკვე მესამედ ითხოვა და მოთხოვნა სამივეჯერ დაუკმაყოფილდა, ანუ ეპარქიამ 100 000 ლარი პირველად 2015 წელს, მეორედ იგივე თანხა 2016 წელს მიიღო:

"წელსაც ვითხოვეთ ჩვენ ასევე 100 000 ლარი, იმისთვის, რომ დამთავრდეს პირველი რიგის სამუშაოები, ეს ნიშნავს, მოპირკეთებისა და გადახურვის სამუშაოებს. ძირითადი ხარჯი 100 ათასი ლარიდან ბოლნისის ტუფის შესყიდვაში მიდის, რომლითაც ამ ტაძრის მოპირკეთება მოხდება. 74 ათასი არის მუშების ანაზღაურება, დანარჩენი 20 ათასი ლარი სამშენებლო მასალებს ხმარდება".

სასულიერო პირის თქმით, ტაძრის მშენებლობა 2009 წელს დაიწყო და მაშინ მისი ღირებულება 2 მილიონი ლარით განისაზღვრა. მისივე განცხადებით, ამ დროისათვის დაახლოებით 700 ათას ლარამდე იქნება საჭირო მშენებლობის დასასრულებლად.