ინფექციური საავადმყოფოს დირექტორი და კლინიკური ჯგუფის ხელმძღვანელი, თენგიზ ცერცვაძე ფიქრობს, რომ შეზღუდვების გასაპროტესტებლად გამართული აქციები "ხშირად წაქეზებულია". მიზი აზრით, მოსახლეობის მოთხოვნა ეკონომიკის გახსნაზე, იმის გამო, რომ შემოსავლის გარეშე დარჩნენ, პოპულისტურია.

"კი, ბატონო, დავუშვათ, მთავრობა დაემორჩილა, მოუსმინა ამ პოპულისტურ მოთხოვნებს. ეს საპროტესტო აქციები, ალბათ, სპონტანურადაც არის, მაგრამ დამეთანხმეთ, რომ ისინი ხშირად წაქეზებულია პოლიტიკურად ანგარიჟებული წრეების და ტელევიზიების, ადამიანების მიმართ.

რომლებიც აკეთებენ პოპულისტურ განცხადებებს: "მოიხსნას დაუყოვნებლივ ყველა შეზღუდვა". კი, ბატონო, განცხადების გაკეთება ძალიან იოლია, მაგრამ ყველა შეზღუდვა რომ დაუყოვნებლივ მოიხნას, მსოფლიოს პრაქტიკით, ამას მოყვება ეპიდემიის ტალღების ახალი აფეთქება", — განაცხადა მან პალიტრანიუსის ეთერში.

მას შემდეგ, რაც საკოორდინაციო საბჭომ განაცხადა, რომ ქალაქების ნაწილში პირველი თებერვლიდან საზოგადოებრივი ტრანსპორტი არ ამუშავდება, სკოლები არ გაიხსნება და ეკონომიკაც ჩაკეტილი რჩება, პროტესტმა იფეთქა. ბოლო რამდენიმე დღის განმავლობაში სხვადასხვა ჯგუფმა, მათ შორის პოლიტიკოსებმა, არაერთი აქცია გამართეს და შეზღუდვების მოხნსა მოითხოვეს.

აქციებზე შეკრებილები აცხადებენ, რომ შემოსავლის გარეშე ოჯახების რჩენას და თავის გატანას ვერ ახერხებენ და მთავრობის დახმარება, ან სუბსიდირება საკმარისი არ არის. მთავრობაში კი ამბობენ, რომ შეზღუდვები მხოლოდ ეპიდემიოლოგიური მდგომარეობის გაუმჯობესების შემთხვევაში მოიხსნება.