იმერეთში, საჩხერეში, სავარაუდოდ, კისტის თოფიდან გასროლით 8 წლის ბავშვი გარდაიცვალა. არსებული ინფორმაციით, თოფიდან არასრულწლოვანმა, გარდაცვლილის ნათესავმა შემთხვევით გაისროლა.

"ჰქონდა გულის არეში ნასროლი. დავადგინეთ იმით, რომ იყო კანის მთლიანობა დარღვეული. ვივარაუდეთ, რომ, შესაძლებელია ყოფილიყო კისტის ტყვია", — აცხადებს ექიმი TV პირველთან.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.