პრემიერმინისტრის, გიორგი კვირიკაშვილის განცხადებით, ბავშვთა სამყაროში ხანძრის შედეგად დაზარალებულ მოვაჭრეებს მთავრობა "შეძლებისდაგვარად დაეხმარება". ამის შესახებ კვირიკაშვილმა დღეს, მთავრობის ეკონომიკური გუნდის წარმომადგენლებსა და ეროვნული ბანკის პრეზიდენტთან შეხვედრისას განაცხადა.

პრემიერმინისტრის მიერ გავრცელებულ განცხადებაში წერია, რომ მოქალაქეებს, რომლებსაც ხანძრის გამო საქონელი დაეწვათ, საკუთარ ნაწილში, მაქსიმალურ შეღავათს გაუწევს ფინანსთა სამინისტროს შემოსავლების სამსახური, ხოლო ეროვნული ბანკი, მათ უშუამდგომლებს ფინანსურ ინსტიტუტებთან, რათა შესაძლებელი გახდეს საბანკო ვალდებულებების გადავადება.

სავაჭრო ცენტრ ბავშვთა სამყაროში 30 იანვარს, გამთენიისას გაჩენილი ხანძრის შედეგად სრულიად განადგურდა შენობა და დაზარალდა ათობით მოვაჭრე.